АҚШ Марказий Осиёдаги нодир металларга қизиқмоқда
Чунки Украинада нодир металл захиралари жуда кам.
АҚШ Марказий Осиёдаги нодир қазилмалар бўйича қизиқиш билдираётганини Натионал Интерест нашри эълон қилди. Нашрга кўра, дунёда нодир металл захиралари бўйича етакчилик ҳануз Хитой қўлида, аммо Вашингтон бу монополия таъсирини камайтиришга интилмоқда.
Маълумотларга кўра, Украинада нодир металл захиралари жуда кам бўлиб, дунё бўйича атиги 5 фоизни ташкил этади. Шунингдек, АҚШ учун муҳим бўлган 50 элементдан фақат 22 таси бу мамлакатда мавжуд.
Шу сабабли, АҚШ қўшимча имкониятларни ўрганиши кераклиги таъкидланади. Нашр фикрича, Марказий Осиё минтақаси глобал захираларнинг катта қисми жойлашган ҳудуд сифатида Америка учун муҳим стратегик йўналишга айланиши мумкин.
