Айбсиз маҳбус 43 йилдан сўнг озодликка чиқди
У руҳий босим остида сўроқ қилиниб, айбига иқрор бўлганди.
Қилмаган жинояти учун айбланиб, 43 йил умрини қамоқхонада ўтказган америкалик аёл озодликка чиқди.
У кутубхоначи аёлни пичоқлаб ўлдиришда айбдор деб топилиб, 1980 йилда бир умрга озодликдан маҳрум этилганди. Аёлга қарши қўйилган ягона далил — аёл айбига иқрор бўлгани эди.
Орадан қирқ йил ўтиб, суд ишни қайта очиб, кўриб чиқишни бошлади ва Ҳемме айбдор эмас, деган хулосага келди. Июнь ойидаги суд қарорида айтилишича, гумонланувчи руҳий хасталиклар шифохонасида, транквилизаторлар таъсири остида сўроқ қилинган.
Миссури штати прокурори айбсиз 43 йил қамоқда ўтирган аёлни қўйиб юбормаслик учун сўнгги дақиқаларгача курашди. Фақатгина судья прокурорни судга ҳурматсизлиги учун жиноий жавобгарликкка тортиши мумкинлигини айтганидан сўнггина қамоқхонанинг темир дарвозалари очилган.
