Эртага, 8 август куни Тошкент шаҳри Бектемир туманининг айрим ҳудудларида электр энергияси таъминоти вақтинча тўхтатилади. Бу ҳақда туман ҳокимлиги ахборот хизмати хабар берди.
Маълум қилинишича, электр энергияси етказиб бериш Олтинтопган маҳалласида жойлашган истеъмолчиларга нисбатан соат 09:00 дан 17:00 гача чеклаб қўйилади. Чекловлар юқори кучланишли подстанцияда амалга оширилаётган капитал таъмирлаш ишлари билан боғлиқ.
Шунингдек, айни шу кунда Тошкентнинг Янгихаёт ва Сергели туманларида ҳам режали таъмирлаш ишлари сабабли табиий газ таъминоти вақтинча тўхтатилади.