Ertaga, 8-avgust kuni Toshkent shahri Bektemir tumanining ayrim hududlarida elektr energiyasi ta’minoti vaqtincha to‘xtatiladi. Bu haqda tuman hokimligi axborot xizmati xabar berdi.
Ma’lum qilinishicha, elektr energiyasi yetkazib berish Oltintopgan mahallasida joylashgan iste’molchilarga nisbatan soat 09:00 dan 17:00 gacha cheklab qo‘yiladi. Cheklovlar yuqori kuchlanishli podstansiyada amalga oshirilayotgan kapital ta’mirlash ishlari bilan bog‘liq.
Shuningdek, ayni shu kunda Toshkentning Yangihayot va Sergeli tumanlarida ham rejali ta’mirlash ishlari sababli tabiiy gaz ta’minoti vaqtincha to‘xtatiladi.