UFC президенти Дана Уайт 9 апрель куни АҚШнинг Флорида штатида бўлиб ўтадиган UFC турнирида асли чеченистонлик швед жангчиси Ҳамзат Чимаев ва бразилиялик Гилберт Бернс ўртасида тўқнашув бўлиб ўтишини малум қилди.
Эслатиб ўтамиз, Ҳамзат “UFC 267” турнирида сўнгги жангини ўтказган эди. Ўшанда унга Хитой вакили Ли Жинлианг рақиблик қилганди. Чимаев жангда биринчи раунднинг тўртинчи дақиқасидаёқ рақиби устидан ғалаба қозонганди.
Бразилиялик спортчи эса ўтган йилнинг июль ойида сўнгги жангини ўтказиб, Стивен Томпсонни мағлуб этганди. Февраль ойида Бернс UFC чемпиони бўлиши мумкин эди, аммо чемпионлик учун курашда Камару Усмонга ютқазиб қўйди.
Аввалроқ, Конор Макгрегор кейинги жангини қачон ўтказмоқчи эканлигини ва Ҳабиб Дастинни ўзининг лигасига таклиф қилгани ҳақида хабар берилганди.
Жамшидбек Амиров