БМТ Хавфсизлик Кенгаши Ғазода зудлик билан ўт очишни тўхтатишга чақирди
Резолюцияда овоз беришда АҚШ бетараф қолган.
Шунингдек, Халқаро ташкилот томонидан қабул қилинган резолюцияда исроиллик гаровга олинганларни “зудлик билан ва ҳеч қандай шартларсиз” озод қилиш талаб қилинган.
Резолюция БМТ Хавфсизлик Кенгашининг доимий бўлмаган аъзолари томонидан таклиф қилинган, АҚШ эса овоз бериш жараёнида бетараф қолган.
Бу Ғазо секторида ўт очишни тўхтатишни талаб қилувчи Хавфсизлик кенгаши томонидан қабул қилинган биринчи резолюциядир. Илгари бир неча шундай резолюциялар АҚШ томонидан блокланган эди. Ўз навбатида, Россия ва Хитой жума куни АҚШнинг ўт очишни тўхтатиш чақириғини ҲАМАС террорчилари томонидан гаровга олинганларни озод қилиш билан боғловчи резолюцияни блоклаган эди.
