Бразилиянинг Сан-Мигел шаҳрида бўлиб ўтган мини-футбол учрашувида фожиали ҳодиса юз берди. Маҳаллий ОАВнинг хабар беришича, 34 ёшли дарвозабон пеналти зарбасини қайтариш вақтида тўп унинг кўкрагига тегиб, хушини йўқотган.
У муваффақиятли сейвни нишонлашга улгурмай, майдонга йиқилган. Тезкор тиббий ёрдам кўрсатилган ҳолда спортчи шифохонага олиб борилган. Шифокорларнинг бир соатдан ортиқ давом этган реанимация чоралари натижа бермади ва футболчи вафот этди.
Воқеа юз берган Аугусто муниципалитети маъмурияти ҳодиса муносабати билан мотам эълон қилди.