Ўзбекистон ҳудудида 23–24 август кунлари қуруқ ва нисбатан иссиқ об-ҳаво сақланиб туради. Ҳарорат кундузи 35–37 даража атрофида бўлса, жанубий ва чўл ҳудудларида 40 даражагача кўтарилиши мумкин.
Ўзгидромет маълумотларига кўра, дам олиш кунлари мамлакатнинг катта қисмида ҳаво бироз булутли ва ўзгарувчан бўлади, ёғингарчилик кутилмайди. Тоғ олди ва тоғли ҳудудларда қисқа муддатли ёмғир ва момақалдироқ кузатилиши мумкин.
Республика бўйича кучсиз нам ҳаво оқими кириб келиши сабабли ҳарорат 2–3 даражага пасаяди. Шамол 7–12 м/с тезликда эсади, айрим ҳудудларда 13–18 м/с гача кучайиши, баъзи жойларда эса чанг-тўзонлар бўлиши эҳтимол қилинмоқда.
Тошкент шаҳрида ҳаво бироз булутли ва вақт-вақти билан ўзгарувчан бўлади. Шамол асосан ғарбдан 3–8 м/с тезликда эсади, айрим вақтларда 12–15 м/с гача кучайиши мумкин. Бугун кундузги ҳарорат 35–37 даража бўлса, якшанба куни бироз пасайиб, 32–35 даража атрофида бўлади. Кечалари эса ҳаво 20–22 даража бўлиши кутилмоқда.