Франциянинг аксарият департаментлари қурғоқчилик хавфи туфайли сувдан фойдаланишга чекловлар киритди.
Ушбу чора-тадбирлар спорт майдонларида майсазорларни суғориш, бассейнларни тўлдириш ва машиналарни ювишни ўз ичига олади.
Қарорга амал қилиш Франция биохилмахиллик бюроси томонидан текширилади. Ҳуқуқбузарликлар учун жисмоний шахслар 1500 евро, тадбиркорлар эса 7500 евро миқдорида жаримага тортилиши мумкин.
Франциянинг 40 департаментида қурғоқчилик хавфининг “қизил” даражаси жорий қилинган.