Россия 31 октябрь куни ўзининг Қора денгиз флоти кемаларига уюштирилган ҳужум юзасидан БМТ Хавфсизлик кенгаши йиғилишини чақиряпти. Бу ҳақда РФнинг ташкилотдаги доимий вакилининг биринчи ўринбосари Дмитрий Полянский маълум қилди.
“29 октябрда Украинанинг Қора денгиз флотидаги ғалла ташиётган кемалар хавфсизлигини таъминлаётган ҳарбий кемаларга уюштирган ҳужуми ортидан доимий вакиллик БМТ Бош котибини Россиянинг “Қора денгиз ташаббуси”даги иштирокини тўхтатганини эълон қилади”, – деган дипломат.
Бугун Москва 22 июлда эришилган “ғалла келишуви”дан чиқиб кетганини эълон қилди. Бунга Севастополга уюштирилган дронлар ҳужуми сабаб қилиб кўрсатилган.
Эслатиб ўтамиз, 1-август куни Қора денгиз орқали Украина ғалласи экспорти тикланган эди.
