АҚШ президенти Жо Байден бир қанча Европа Иттифоқи ва НАТО давлатлари раҳбарлари билан музокаралар чоғида уларга Россиянинг Украинага ҳужуми 16 февралдан бошланиши мумкинлигини айтди.
Вашингтон Россия қўшинларининг бостириб кириши олдидан ракета зарбалари ва киберҳужумлар бўлишини хабар қилмоқда.
Шу билан бирга, хорижий ОАВнинг ёзишича, Европада Америка томонининг баёнотига шубҳа билан муносабат билдирган.
Шу билан бирга, таъкидланганидек, музокарачилар ҳозир асосийси бирликни сақлаш ва Москвага қарши санкцияларга тайёр бўлиш керак, деган фикрга келишди. Қўшма Штатлар иттифоқчиларга ушбу ҳужумга тайёргарлик бўйича кўплаб тафсилотларни тақдим этди.
Эслатиб ўтамиз, АҚШ, Буюк Британия, Германия, Италия, Канада, Полша, Руминия ва Франция раҳбарлари, шунингдек, НАТО Бош котиби ва Еврокомиссия раҳбарининг онлайн учрашуви деярли бир ярим соат давом этди.
Натижада томонлар яқин кунларда Украина атрофидаги вазиятни тартибга солиш мавзусида дипломатик саъй-ҳаракатларини икки баравар оширишга келишиб олдилар.
Насиба Тўхтаева