6 август куни Гана Қуролли кучларига тегишли Z-9 русумли ҳарбий вертолётнинг қулаши оқибатида мамлакат Мудофаа вазири доктор Эдвард Кофи Омани Боама ва Атроф-муҳит, фан ва технология вазири Иброҳим Муртала Муҳаммад фожиали тарзда ҳалок бўлди.
Расмий маълумотларга кўра, вертолёт пойтахт Аккрадан Ашанти вилоятининг Обуаси шаҳрига парвоз қилган. Учишдан кўп ўтмай, радар билан алоқа узилган. Қидирув ишлари давомида ҳалокатга учраган вертолёт жойи аниқланган.
Ушбу ҳалокатда жами 8 киши — беш нафар йўловчи ва уч нафар экипаж аъзоси — ҳалок бўлган. Улар орасида президентлик маслаҳатчилари, сиёсий партия раҳбарлари ҳам борлиги айтилмоқда.
Президент идораси фожиа юзасидан баёнот бериб, марҳумларнинг оила аъзоларига чуқур ҳамдардлик билдирди. Давлат миқёсида мотам эълон қилинди, тергов ишлари бошланган.