Хитойнинг Хэнан провинциясида юз берган таъсирли воқеа бутун мамлакат бўйлаб ижтимоий тармоқларда кенг муҳокама қилинмоқда. 18 ёшли Жианг Ченнан юрак хасталиги туфайли оғир аҳволда комага тушган, бироқ у университетга ўқишга қабул қилингани ҳақидаги хабарни эшитгач, кутилмаганда ҳушига келган.
Маълумотларга кўра, Ченнан миллий кириш имтиҳонини топширгач, ўзини ёмон ҳис қилган. Шифокорлар унга камёб ва хавфли юрак мушаги яллиғланиши — фулминант миокардит ташхисини қўйишган. У бир неча кун реанимацияда бўлган.
Қизнинг оиласи оғир молиявий аҳволда: отаси автоҳалокат оқибатида ногирон бўлиб қолган, онаси эса оддий савдочилик орқали даромад топиб, уйни боқади. Даволаниш харажатлари 200 минг юандан ошиб кетгани айтилмоқда.
Бироқ комада бўлганининг саккизинчи куни отаси касалхонага Хуанхэ транспорт университетидан келган қабул хatini олиб келади. У хатни қизининг боши ёнида овоз чиқариб ўқиб берганида, Ченнаннинг қовоқлари пичирлаб, ҳаётга қайтиш белгилари кузатилган. Эртага куни у кўзини очган ва қўли билан “ҳаммаси яхши” деган ишорани кўрсатган.
Шифокорлар унинг аҳволи барқарорлашаётганини маълум қилишган. Ҳозирда Ченнан реанимациядан оддий палатагa кўчирилган ва соғайиш жараёнини давом эттирмоқда. Режага кўра, у сентябрь ойида талабалик ҳаётини бошлаши мумкин.