Жанубий Африка Республикасининг Ёханнесбург шаҳри марказидаги беш қаватли бинода содир бўлган ёнғин оқибатида ҳалок бўлганлар сони 73 кишига етди, деб хабар бермоқда Реутерс.
Аввалроқ 63 киши ҳалок бўлгани ҳақида хабар берилганди. Журналистларнинг сўзларига кўра, қурбонлар орасида етти нафар вояга етмаганлар ҳам бор, уларнинг энг кичиги бир ёш. Қайд этилишича, бир неча киши ёнғиндан қочишга уриниб, деразадан сакраб ҳалок бўлган.
Ҳозирда ёнғин ўчирилган. Омон қолганларни топиш ишлари олиб борилмоқда. Бинода норасмий равишда 200 га яқин бошпанасиз одам яшаган.