ЖССТ коронавируснинг келиб чиқишини ўрганиш бўйича 26 нафар олимдан иборат гуруҳ тузди
Жаҳон соғлиқни сақлаш ташкилоти янги вирусларни ўрганадиган ва бўлажак пандемиянинг олдини олиш бўйича иш олиб борадиган 26 нафар олимдан иборат янги гуруҳ рўйхатини эълон қилди. Гуруҳ коронавируснинг келиб чиқишини ҳам ўрганади. Бу ҳақда BBC хабар берди.
Жамоа Ухандаги бозорларда вирус ҳайвондан одамга юққан-юқмагани ёки бахтсиз ҳодиса натижасида лабораториядан ташқарига чиқиб кетганини бевосита ўрганади.
ЖССТ ташкил этилган гуруҳ коронавируснинг келиб чиқишини аниқлаш учун "охирги имкониятимиз" бўлиши мумкин деб таъкидлади.
Гебрейесуснинг айтишича, "янги патогенлар сабабларини ўрганиш" келажакда вирусларнинг авж олишининг олдини олиш учун керак".
COVID-19 биринчи марта 2019 йилнинг охирида Хитойнинг Ухан шаҳрида қайд этилган ва кейин бутун дунёга ёйила бошлаган. Бир неча ой ўтгач, 2020 йил 11 мартда Жаҳон соғлиқни сақлаш ташкилоти коронавирус тарқалишини пандемия деб таърифлашга қарор қилди.
Бундан аввал Хитой олимлари Ухан шаҳрида минглаб қон намуналарини ўргана бошлагани ҳабар қилинган эди.
Насиба Тўхтаева
