“Каламар ўйини” 3-мавсум трейлери тақдим этилди
3-мавсумда 456-ўйинчининг қисмати ҳал бўлади.
Netflix стриминг платформаси Жанубий Кореянинг дунё бўйлаб машҳурликка эришган “Каламар ўйини” сериалининг учинчи мавсуми учун расмий трейлерни эълон қилди.
Трейлерга кўра, янги мавсум 2025 йил 27 июнь куни намойиш этилиши режалаштирилган. Мазкур мавсум сериалнинг якуний қисми сифатида эътироф этилмоқда.
Аввалги мавсумлар глобал муваффақиятга эришиб, 93 мамлакатда рейтингларнинг 1-ўрнига чиқишга муваффақ бўлган эди. Сериал ижодкорлари учинчи мавсумда ҳам шиддатли сюжет, психологик драма ва ҳайратланарли бурилишлар давом этишини ваъда қилмоқда.
Учинчи мавсумда асосий қаҳрамон – 456-ўйинчи (Сеонг Ги-ҳун)нинг шахсий ҳикояси якунига етади. Томошабинлар уни ҳалокатли ўйин ортидаги кучларга қарши қандай курашаётгани ва бу сафар ғалаба қозона оладими, йўқми, билиб олишади. Сериал охир-оқибат ким ғолиб, ким қурбон бўлишини очиб беради.
