“Кучимиз етарли бўлса, ҳимоя қиламиз”
Залужний Зеленскийнинг сафарбарлик ҳақидаги гапларига изоҳ берди.
Аввалроқ Украина президенти Владимир Зеленский 500 минг нафаргача украиналик урушга сафарбар этиш режалари ҳақида баёнот билан чиққанди. Украина Қуролли кучлари бош қўмондони Валерий Залужний ушбу баёнотга изоҳ берди.
"Ҳарбий қўмондонлик бирор бир аниқ рақам бўйича сўров юборгани йўқ", — деган у.
Россияни Марьинканинг тўлиқ қўлга олингани ҳақидаги баёнотига изоҳ берар экан, у Украина қўшинлари шаҳарни тарк этганини айтди. Баъзи жойларда қўшинлар Марьинка чеккасида, баъзи жойларда эса бироз узоқроқда жойлашган.
"Кучимиз етарли бўлса, ҳимоя қиламиз. Агар биз одамларни ҳаётини сақлаб қолиш яхшироқ эканини тушунсак, кейинроқ курашишимиз мумкин", — дея таъкидлади Залужний.
