Буюк Британияда яшовчи 65 ёшли Денисе Басон исмли аёл Паркинсон касаллигига қарши ўтказилган мураккаб мия операцияси вақтида кларнет чалди.
Денисе 2014 йилда Паркинсон касаллигига чалинган. Касаллик унинг юриш, рақсга тушиш, сузиш ва энг муҳими — мусиқа чалиш қобилиятига жиддий таъсир қилган. Шифокорлар унга “чуқур мия стимуляцияси” деб аталувчи усулни қўллашди. Бу жараён давомида беморнинг мияси ичига майда электродлар жойлаштирилиб, уларнинг ёрдамида асаб фаолияти барқарорлаштирилади.
Операция пайтида бемор ҳушида бўлган. Шифокорлар унга кларнет чалишни таклиф қилишган, шунда улар электр стимуляциясининг беморнинг бармоқлари ҳаракатига қандай таъсир қилаётганини бевосита кузатиш имконига эга бўлишган. Электродлар ёқилгач, Денисеънинг ўнг қўл ҳаракати дарҳол яхшиланган ва у кларнет чалишда давом этган.
Шифокорлар таъкидлашича, чуқур мия стимуляцияси Паркинсон касаллиги симптомларини сезиларли даражада камайтиради ва беморларнинг ҳаёт сифатини яхшилайди.