Унда Арманистон бош вазири видеоалоқа орқали иштирок этди. Пашинян ЕОИИнинг Минскда бўлиб ўтадиган навбатдаги йиғилишида ҳам худди шундай шаклда иштирок этишини маълум қилди.
"Сизнинг муаммоингиз нимада? Минск сизга узоқлик қиладими ёки сизни олиб борадиган ҳеч ким йўқми? Агар керак бўлса, делегациянгизни Минскка етказишни ташкил қиламиз", — деб сўради Лукашенко.
Пашинян бу борада аллақачон баёнот берганини айтди:
"Биз сизнинг баёнотингизни кўриб чиқамиз", — деб жавоб берди Лукашенко.
Пашинян бунга жавобан баёноти қайта кўриб чиқилмаслигини таъкидлади.
"Кўриб чиқамиз, эҳтимол сиз масофадан туриб иштирок этишингиз учун телевизор бўлмайди", — деди Лукашенко.
"Агар сиз ҳали ҳам телевизорлар билан боғлиқ муаммоларга дуч келсангиз, мен буни тушунаман", — деб жавоб берди Пашинян.
Сўнгги йилларда Арманистон ва Беларус ўртасидаги муносабатлар совуқлашган. Ереван Минскни Тоғли Қорабоғ урушида Озарбойжонни қўллаб-қувватлаётганликда айблайди. Ёзда Пашинян Лукашенко раҳбарлик қилаётган даврда Беларусга бошқа бормаслигини айтган эди.
