Мадриднинг "Реал" клуби "Интер"нинг 25 ёшли марказий ҳимоячиси Алессандро Бастонига қизиқиш билдирмоқда. Бу ҳақда "Туттоспорт" нашри хабар бермоқда.
Манбанинг хабарига кўра, италиялик футболчини сотиб олишга "Лос Блансос" бош мураббийи Карло Анчелотти шахсан ўзи қизиқмоқда. Таъкидланишича, "Интер" Бастони учун 80 миллион евро талаб қилиши мумкин.
Эслатиб ўтамиз, жорий мавсумда Бастони барча турнирларда 33 та ўйинда қатнашиб, битта гол урди ва 3 та голли узатмага муаллифлик қилди. Умумий ҳисобда у майдонда 2632 дақиқа ўтказди.