“Манчестер Юнайтед” икки ҳафта ичида потенциал харидорлар билан учрашувлар ўтказади.
Музокаралар Лондон ёки Манчестер шаҳрида бўлиб ўтади. Клуб манфаатларини аввалроқ “Челси”ни сотишга ёрдамлашган “Раине Гроуп” банки ҳимоя қилади.
“Манчестер Юнайтед”ни сотиб олиш учун 4,5 миллиард евро таклиф қилган қатарлик шайх Ҳамад бин Жассим бин Жобир Ол Тани ва британиялик миллиардер Жим Ратклифф даъвогарлик қилмоқда.
Клубга эгалик қилувчи Глейзерлар оиласи 6 миллиард фунт стерлинг талаб қилаётгани хабар қилинган.