Ўзбекистон вакиллари қишки Олимпиададаги дебют иштирокини якунлади
Шорт-трекда Даниил Эйбог 14-ўринни эгаллади, тоғ чанғисида Медет Назаров гигант-слаломда 50-поғонадан жой олди.
Winter Olympic Games доирасидаги баҳслар давом этмоқда. Ўзбекистон спортчилари ҳам мусобақада ўз дебют чиқишларини якунлади.
Шорт-трек йўналишида иштирок этган Даниил Эйбог мусобақани 14-ўрин билан якунлади.
Тоғ чанғиси бўйича гигант-слалом дастурида эса Медет Назаров икки старт натижасига кўра 2:46.89 дақиқа қайд этди. Иккинчи уринишда у дастлабкисига нисбатан яхшироқ натижа (1:21.14) кўрсатишга муваффақ бўлди.
Якуний натижаларга кўра, Назаров гигант-слалом баҳсларини 50-поғонада тугатди.
Шу тариқа, Ўзбекистон вакиллари Милан мезбонлик қилаётган қишки Олимпиада ўйинларида ўз иштирокини якунлади.
