Эрон расман Жаҳон чемпионатини тарк этди
Ҳукумат спортчиларнинг Жаҳон чемпионатига бориш хавфини ўз зиммасига олмаслигини билдирди.
Эрон расман футбол бўйича Жаҳон чемпионатидан чиқишини эълон қилди. Бу қарор мамлакатдаги сўнгги кескин сиёсий воқеалар ортидан қабул қилинган.
Айни вақтга қадар Олий раҳбар Оятуллоҳ Али Ҳоманаий ва мамлакатнинг бир қатор юқори даражали амалдорлари АҚШ ва Исроил ҳужуми натижасида ҳалок бўлгани хабар қилинган эди. Бу воқеалар Эрондаги ички сиёсий муҳитни жиддий издан чиқариб, халқаро спорт тадбирларида иштирок қилиш имкониятларини ҳам чеклади.
Маълумот учун, Эрон терма жамоаси “G” гуруҳидан ўрин олган бўлиб, барча гуруҳ босқич учрашувлари АҚШда бўлиб ўтади.
“Эрон ҳаётни футбол билан таққослаб бўлмайди, деб ҳисоблайди ва ўз футболчиларининг Жаҳон чемпионатига бориши хавфини ўз зиммасига олмайди”, - дейилади баёнотда.
Таҳлилчилар фикрича, Эроннинг Жаҳон чемпионатидан чиқиши нафақат спорт соҳасидаги натижаларга таъсир қилади, балки халқаро майдонда мамлакатнинг сиёсий изоляцияси ва хавфсизлик вазиятини ҳам кўрсатади.
