Эрондаги Ўзбекистон терма жамоаси футболчиларининг аҳволи қандай?
Маълумотларга кўра, улар нотинч вазият сабабли Эронни вақтинча тарк этяпти.
АҚШ ва Исроил томонидан Эрон ҳудудига берилган ҳаво зарбалари ортидан ушбу мамлакатда тўп сураётган ўзбекистонлик футболчилар хавфсизлик нуқтайи назаридан Эронни вақтинча тарк этмоқда. Бу ҳақида «Дарё» нашри хабар берди.
Қайд этилишича, Эрон клублари шарафини ҳимоя қилаётган Ўзбекистон миллий терма жамоасининг бир неча аъзоси нотинч вазият сабабли хавфсиз ҳудудларга йўл олган.
Улар қуйидагилар:
- Рустам Ашурматов («Истиқлол») — айни дамда Дубайда бўлиб турибди.
- Одил Ҳамробеков («Тракторсози») — Тошкентга қайтишга улгурди.
- Жалолиддин Машарипов («Истиқлол») — жароҳатидан тикланиш жараёнини ўташ учун Италияга йўл олган.
- Игор Сергеев («Персеполис») — 28 февраль куни Эрон чегарасидан ўтиш учун йўлга чиққан.
- Остон Ўрунов («Персеполис») — айни дақиқаларда Эрон чегараси орқали Туркия давлатига ўтмоқда.
28 февраль куни маҳаллий вақт билан соат 09:30 атрофида Теҳрон ва мамлакатнинг бошқа йирик шаҳарлари ракета ҳужумига учраганди. Ҳужумлар оқибатида мамлакатнинг 24 та вилоятида жами 201 киши ҳалок бўлган, 747 киши эса турли даражада жароҳат олган.
