Намангандаги ариқда қонли сув оқмоқда
Ҳолат юзасидан ФВБ маълумот берди.
Ижтимоий тармоқда Наманган шаҳридаги мактаб ва маҳалла ариғида қонли сув оқаётгани ҳақида хабарлар тарқалди. Ҳолат юзасидан вилоят Фавқулодда вазиятлар бошқармаси расмий муносабат билдирди.
Ўрганиш давомида Янги Наманган тумани “Ишонч” МФЙ “Ғазина” кўчасида жойлашган кушхонадан чиққан сув канализация тармоғидан тошиб, кўчадаги ариққа қуйилаётгани аниқланган. Уни бартараф этиш юзасидан ИИБ ҳамда ФВБ ходимлари томонидан ишлар ташкиллаштирилган.
“Мурожаат юзасидан юқоридаги ҳолат тўлиқ бартараф этилгандан сўнг қўшимча маълумот тақдим этамиз”, — дейилади хабарда.
