Эртага, 17 август куни АҚШнинг Чикаго шаҳрида ўтказилиши режалаштирилган UFC турнирида октагонга чиқиши керак бўлган ўзбекистонлик жангчи Нурсултон Рўзибоев ва америкалик Браян Баттл ўртасидаги баҳс бекор қилинди.
Бунга Браян Баттл белгиланган вазн меъёрларини бажара олмагани сабаб бўлган. Гап шундаки, АҚШ вакили 86,1 кг тош босган. Бу белгиланган миқдордан салкам 2 кг кўпроқ. Шу боис УФС мазкур жангни бекор қилишга қарор қилган.
Шундан кейин спортчилар учарашиб, ўзаро суҳбатлашиб олишган. Браян Нурсултон билан суҳбатда жангдан олдин ўтказилган матбуот анжуманида ўзбекистонлик мухлислар ҳақида айтган гаплари учун ҳам узр сўраган. Рўзибоев эса унга октябрь ойида Абу-Дабида ўтадиган UFC оқшомига жанг қилишни таклиф қилган.
Эслатиб ўтамиз, аввалроқ Брян Баттле ижтимоий тармоқларда ўзини ҳақорат қилган айрим ўзбек фойдаланувчиларига жавобан “барча ўзбек UFC мухлислари аҳмоқ” дея фикр билдирганди.
Жанг бекор қилингач Нурсултон Рўзибоев ҳам Инстагам саҳифаси орқали унга жавоб пост ёзиб қолдирди.
“Кўп гапирмасдан, аввало вазнни тўғрилашинг керак. Бу — профессионал спорт, малла соч”, деган Рўзибоев.