Аввал хабар қилинганидек, 2025/2026 ўқув йилдан бошлаб табақалаштирилган (супер) тўлов-контракт миқдорини белгилаш ваколати олий таълим муассасалари ректор ва директорларига берилган. Унга кўра, қабул балли 4,05 дан юқори бўлмаган абитуриентлар учун контракт миқдори базавий тўлов-контрактнинг 3 бараваридан кам бўлмаган миқдорда белгиланади.
Шу асосда республикадаги бир қатор олий таълим муассасалари супер контракт ставкаларини эълон қилди.
Жумладан:
Андижон давлат техника институти — 3 баравардан 4 бараваргача;
Андижон давлат университети — 4 баравардан 6 бараваргача;
Наманган давлат педагогика институти — 3,1 баравардан 6 бараваргача;
Термиз давлат университети — 4 баравардан 10 бараваргача;
Бухоро давлат университети — 4 баравардан 12 бараваргача;
Наманган давлат чет тиллари институти — 4 баравар;
Тошкент ахборот технологиялари университети — 4 баравардан 7 бараваргача;
Тошкент давлат иқтисодиёт университети — 5 баравардан 9 бараваргача;
Тошкент давлат тиббиёт университети Термиз филиали — 7 баравардан 12 бараваргача;
Тошкент давлат юридик университети — 17 баравар;
Урганч давлат университети — 4 баравардан 10 бараваргача;
Ўзбекистон давлат жисмоний тарбия ва спорт университети Нукус филиали — 5 баравар.
Табақалаштирилган тўлов-контракт асосида ўқишга кирган абитуриентлар контракт суммасининг 50 фоизини 2025 йил 31 октябрга қадар тўлаши мумкин.