Полша Россия ракеталарини уриб туширмоқчи
Бу борада ҳали якуний қарор қабул қилинмаган.
Полша икки давлат чегаралари яқинида Украина ҳаво ҳудудини ҳимоя қилиш учун Россиядан учирилган ракеталарни уриб туширмоқчи.
Ҳозирда Полша ҳаво ҳужумидан мудофаа тизимларидан фойдаланиш имкониятини кўриб чиқмоқда. Бу борада якуний қарор қабул қилингани йўқ.
“Бу масала ҳуқуқий ва техник нуқтайи назардан кўриб чиқилмоқда, аммо бу иш бўйича қарорлар йўқ”, — деди Вронский.
У Украина томони Полша расмийларига шундай сўров билан чиққанини айтди. Полша Ташқи ишлар вазирлиги спикери бу имкониятни халқаро ҳуқуқ бўйича экспертлар ва техник мутахассислар баҳолаши кераклигини билдирди.
Вронскийнинг таъкидлашича, ҳаво ҳужумидан мудофаа тизимларини Украинага бериш ҳақида гап кетмаяпти, чунки бундай имконият мавжуд эмас. Россия ракеталарини йўқ қилиш учун ҳаво ҳужумидан мудофаа тизимларини қўллаш муҳокамаси 24 мартдан кейин бошланган. Ўшанда Полша Россия ракетаси мамлакат ҳаво ҳудудини бузганини эълон қилинган.
