Жорий йилнинг 15 октябрь куни Беларус президенти Александр Лукашенко Владимир Путин билан Қирғизистон пойтахти Бишкек шаҳрида учрашади. Бу ҳақда «ТАСС» агентлиги хабар берди.
Маълумотларга кўра, учрашувда авиация техникасини биргаликда ишлаб чиқариш ва Беларусдан Санкт-Петербурггача темир йўл линиясини қуриш масалаларини муҳокама қилинади.
"Биз 15 октябрь куни Қирғизистонда учрашамиз", – деди Лукашенко Минскда бўлган Ленинград вилояти губернатори Александр Дрозденко билан учрашувда.
Шунингдек, Лукашенко душанба куни Путин билан телефон орқали мулоқот қилиб, унда Беларус-Россия ўртасидаги йирик лойиҳалар муҳокама қилингани таъкидлаган.