Қувада 37 ёшли қассоб ўз кушхонасида сўйиб кетилди
Ҳозирда мазкур ҳолат юзасидан тергов бошланган.
5 июнь куни Фарғона вилоятининг Қува туманида 37 ёшли қассоб ўз уйидаги кушхонада ўлдириб кетилди.
Суд-тиббий экспертизаси хулосасига кўра, қассобнинг ўлимига бўйин олд юзаси юқори қисмидаги мушаклари қон томирлари шикастланиши ортидан қон кетиши сабаб бўлган. Шунингдек, мурда кўздан кечирилганда бошқа тан жароҳатлари ва улардан қолган излар ҳам аниқланган.
Бош прокуратура матбуот хизмати раҳбари Ҳаёт Шамсутдиновнинг маълум қилишича, мазкур ҳолат юзасидан ҳақиқатни аниқлаш мақсадида бир қатор тергов ҳаракатларини ўтказмасдан туриб, уни жиноят қурбони бўлганлигини аниқлаш имкони йўқ. Шуларни инобатга олиб, 6 июнь куни Жиноят кодексининг 97-моддаси (Қасддан одам ўлдириш) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
