Россияда мактаб ўқув дастурига дронлар мавзуси киритилди
Россияда мактаб ўқувчиларига уруш шароитида дронлардан жанговар фойдаланиш асослари ўргатилади
Россияда мактабларда юқори синф ўқувчилари дронлардан урушда фойдаланишга ўргатилади.
«РИА Новости»нинг хабар беришича, янги ўқув йилидан бошлаб 10-11-синф ўқувчилари учун бошланғич ҳарбий тайёргарлик бўйича мактаб ўқув дастурига дронлар мавзуси киритилган.
Унга кўра, мактаб ўқувчиларига нафақат разведка ишларини олиб бориш ва жанг майдонида дронлардан фойдаланиш, балки душманнинг учувчисиз учоқларига қарши туриш ҳам ўргатилади.
Бундай курс бир ой олдин Россия Федерацияси Федерация Кенгашида эълон қилинган эди. Мудофаа вазирлиги ва Таълим вазирлиги эса ғояни қўллаб-қувватлаганди.
Россия ОАВларининг ёзишича, мактаб ўқувчилари учун ҳарбий тайёргарлик янги ўқув йилидан бошлаб ҳаёт хавфсизлиги дарсларининг бир қисми сифатида пайдо бўлади.
