Британия ва Германия астрономлари жамоаси Сомон йўлида барча маълум нейтрон юлдузларидан оғирроқ ва энг енгил қора туйнукдан енгилроқ бўлган номаълум янги объектни топдилар.
Ушбу объект миллисекундлик пульсар (айланиш даври 1 дан 10 миллисекундгача бўлган пульсар) атрофида айланади ва биздан 40 000 ёруғлик йили узоқликда жойлашган.
Объектни кашф этган Манчестер университети ва Мюнхендаги Макс Планк институти тадқиқотчилари тахминича, бу бу Эйнштейннинг нисбийлик назариясининг яна бир бор текшириб, қор туйнукга янги тушунча шакллантиришга ёрдам берадиган пульсар ва қора туйнукнинг илк иккилик тизими.
"Пульсар-қора туйнук тизими тортишиш назариясининг муҳим синовидир ва оғир нейтрон юлдузи ядро физикасига жуда юқори зичликдаги жараёнлар ҳақида янги тушунчалар беради", - деди Манчестер университети астрофизиги, профессор Бен Стапперс.