Тайванда уруш бошланса, дунё яримўтказгичларсиз қолиши мумкин

 

Агар Хитой Тайванга бостириб кирса, ҳар икки ҳудуд иқтисодиёти беқарорликка юз тутади. Бу ҳақда яримўтказгичлар ишлаб чиқарувчиси бўлган  Taiwan Semiconductor Manufacturing Company (TSMC) директори Марк Лю маълум қилди.

 

Унинг сўзларига кўра, икки томонлама уруш бошланса “Пекин оролга ҳужум бошласа, микросхемалар бизни қизиқтирадиган энг охирги нарса бўлиб қолади”. Лю ҳарбий ҳаракатлар вақтида унинг копманияси ҳимоясиз қолиши ва фаолияти тўхташи мумкинлигидан огоҳлантирган.

 

TSMC раҳбари бу Хитойга ҳам зарар келтиришини, сабаби компаниянинг 10 фоиз улуши Пекинга тегишли эканини айтган.

 

Лю дунё иқтисодиёти тўхтаб қолмаслиги учун барча томонлардан низонинг олдини олишга ҳаракат қилишни илтимос қилган.

 

Маълумот ўрнида: 1 август куни АҚШ Конгресси вакиллар палатаси спикери Нэнси Пэлоси Осиё бўйлаб сафарини бошлади. Унинг Тайванга эҳтимолий ташрифи Хитойнинг кескин норозилигига сабаб бўлмоқда.  Хусусан, Си Цзиньпин Жозеф Байден билан телефон мулоқоти чоғида "олов билан ўйнашмаслик"ни маслаҳат берганди.  Бундан ташқари, Хитой денгиз кучлари Тайвань яқинида йирик машғулотлар бошлагани тўғрисида хабар берилганди.

 

Аввалроқ АҚШ Тайвань туфайли Украинага эътиборини сусайтириши мумкинлиги тахмин қилинганди.