Тошкент вилоятининг бир қатор боғчаларида болалар заҳарланиши билан боғлиқ ҳолат юзасидан 7 киши қамоққа олинди.
Қамоққа олинганларнинг 2 нафари болалар заҳарланишига сабаб бўлган маҳсулот ишлаб чиқарувчлари бўлса, қолганлари аутсорсинг билан шуғулланган компания вакиллари.
Тошкент вилояти ички ишлар бош бошқармаси ҳузуридаги тергов бошқармаси томонидан 25 сентябрь куни Жиноят кодексининг 257−1-моддаси 1-қисми (Санитарияга оид қонунчиликни ёки эпидемияга қарши кураш қоидаларини бузиш) билан жиноят иши қўзғатилган, ҳозирда тергов давом этмоқда.
«Адолат» партияси фракцияси ҳолат юзасидан Бош прокуратурага депутатлик сўрови юборган, партия ҳодиса сабабларини текшириш ва айбдорларни жавобгарликка тортиш зарурлигини таъкидлаган.