Хитой билан душманлик яхшиликка олиб келмаган — Ван И
Хитой ТИВ раҳбари Вашингтонни провокацияда айблади.
1,4 миллиард хитойликлар билан душманлик ҳеч кимни яхшиликка олиб келмайди. Бу ҳақда Хитой ташқи ишлар вазири Ван И маълум қилди.
“АҚШнинг Тайвань бўйича мажбуриятларини бузиши, шунингдек, олдиндан режалаштирилган провокациялар фақатгина уларнинг мавқеи пасайишига олиб келади. 1.4 миллиардлик Хитой халқи билан душманлик ҳеч қачон яхшиликка олиб бормайди”, – деган дипломат Хитой ОАВларига берган интервьюсида.
Маълумот ўрнида: 2 августда АҚШ Конгресси вакиллар палатаси спикери Нэнси Пэлоси Тайванга ташриф буюрди. Шундан кейин Хитой орол атрофида йирик ҳарбий машғулотлар бошлашини эълон қилди. Тайвань атрофидаги олти нуқтада ўқув машқлари ўтказилган. Бундан ташқари, Пекин Вашингтон билан қатор келишувлардан чиқиб кетди.
Аввалроқ ХХР давлат кенгаши Тайвань масаласида махсус бюллетен чиқарганди.
