Жаҳон соғлиқни сақлаш ташкилотининг Ямандаги ваколатхонаси маълумотларига кўра, мамлакатда вабо касаллиги “жаҳон тарихидаги энг оғир эпидемиялардан бири” сифатида давом этмоқда ва Яман ҳудудининг 96 фоизини эгаллаган. Январдан июл ойининг ўрталаригача 50 мингдан ортиқ инфекцияга шубҳа қилинган ҳолатлар аниқланган, 149 нафар бемор вафот этган.
Шифокорлар ва мутахассисларнинг таъкидлашича, АҚШ ва унинг иттифоқчиларининг ҳаво зарбалари ҳамда инсонпарварлик ёрдами етказиб берилиши тўхтагани сабабли беморларга ёрдам кўрсатиш мураккаблашган. Ямандаги касалхоналарнинг учдан биридан ортиғи ёпилган, аҳолининг қарийб 80 фоизи хорижий ёрдамга таянади, уларнинг ярмидан кўпи АҚШдан келади. Инфратузилманинг бузилиши ва дори-дармон тақчиллиги сабабли ҳатто оддий даволаш мумкин бўлган ҳолатлар ҳам ўлимга олиб келмоқда.
Мутахассислар аҳолига тоза сув, гигиена қоидаларига риоя қилиш ва касаллик аломатлари пайдо бўлганда дарҳол тиббий ёрдамга мурожаат қилишни тавсия қилмоқда.