Yaqin kunlarda Telegram messenjerida yangi funksiya paydo bo‘ladi
Telegram messenjeri tez orada “Apple” qurilmalari egalari uchun rasmlardagi matnni o‘qish funksiyasini ishga tushiradi.
Bu haqda "Ria Novosti" xabar berdi.
«Endi siz kredit karta surati yoki navbatdagi skrinshotni olayotganda stressni boshdan o‘tkazmaysiz», deyiladi xabarda.
Eslatib o‘tamiz Telegram loyiha 2013 yilda VKontakte ijtimoiy tarmog‘i asoschisi Pavel Durov tomonidan ishlab chiqilgan bo‘lib, Android, iOS va macOS, Windows Phone va Windows hamda Linux uchun mavjud.
Avvalroq, Telegram asoschisi Pavel Durov 2011 yildan buyon telefonlari kuzatilishini maʼlum qilgani hamda Instagram foydalanuvchilariga uzilishlar oldini olish uchun yangi imkoniyatlar taqdim etilgani haqida xabar bergan edi.
Munojat Valiyeva
