Futboldan zavqlanishga umid qilaman – Filippe Koutinyo
“Barselona”dan ijara asosida “Aston Villa”ga o‘tgan Filippe Koutinyo yangi jamoasi haqida fikr bildirdi.
“Bu yerda ekanligimdan juda xursandman, “Aston Villa” katta klub. Men murabbiy Stivi bilan ko‘p gaplashdim va u klub ambitsiyalari haqida gapirib berdi. Men bu yerda ekanligimdan baxtiyorman va futboldan zavqlanishga umid qilaman. Men Stivni anchadan beri bilaman. U bilan o‘ynaganman va undan ko‘p narsalarni o‘rgandim. Muxlislar bilan uchrashishni va maydonga tushishni intiqlik bilan kutaman”.
Eslatib o‘tamiz, “Barselona” “Aston Villa”ga braziliyalik futbolchini sotib olish huquqi bilan ijaraga berdi. Koutinyo maoshining katta qismini ingliz klubi to‘laydi.
Maʼlumot uchun, Filippe 2018 yilda “Liverpul”dan 140 million yevro evaziga Kataloniyaga ko‘chib o‘tgan edi.
Avvalroq, Koutinyo “Barselona”dan ketmoqchi emasligi haqida xabar berilgandi.
Jamshidbek Amirov
