0
O‘zbekistonda Telegram bloklandimi?
Vazirlik messenjerdagi uzilishlarga izoh berdi.
Avvalroq O‘zbekistonda Telegram tarmog‘ida uzilishlar kuzatilgani xabar qilingandi. Holat yuzasidan “Telegram Uzbekistan” kanalida izoh berilib, muammo Telegram tarafdan emasligi va bundan jamoa xabardor ekanligi bildirildi.
“Muammo Telegram tarafida emas, biroq jamoa aloqani saqlab qolishga harakat qilmoqda”, — deyiladi xabarda.
Biroz vaqt o‘tib, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi ham holat bo‘yicha ma’lumot berdi.
“Telegram messenjeri ulanishidagi ba’zi foydalanuvchilardagi muammolar tufayli, u O‘zbekistonda bloklandi, deb xavotirlanishga o‘rin yo‘q”, — deyiladi munosabatda.
