TIV rahbari Baxtiyor Saidov Turkiyaga bordi
Vazir O‘zbekiston Prezidenti va xalqi nomidan mamlakatda sodir bo‘lgan dahshatli zilzila munosabati bilan hamdardlik bildirdi.
Tashqi ishlar vaziri v.b. Baxtiyor Saidov Turkiya tashqi ishlar vaziri Mevlut Chavusho‘g‘lu bilan Gaziantep shahrida uchrashdi.
“Turkiya tashqi ishlar vaziri, qardoshim Mevlut Chavusho‘g‘lu bilan Turkiyaning Gaziantep shahrida uchrashdim”, deb yozadi Baxtiyor Saidov o‘zining Telegram-kanalida.
Baxtiyor Saidov o‘z so‘zida O‘zbekiston prezidenti va xalqi nomidan Turkiyada sodir bo‘lgan dahshatli zilzila munosabati bilan samimiy hamdardlik bildirib o‘tdi.
“Ushbu tabiiy ofat oqibatlari barchamizning qalblarimizni chuqur yaraladi. Bu og‘ir paytlarda biz Turkiya bilan birgamiz”, — deya qo‘shimcha qildi u.
