Sunak va Makron Rossiya tahdidiga qarshi birga kurashmoqchi
Tomonlar aniq zarba beruvchi qurol ishlab chiqarish bo’yicha kelishuv arafasida.
Buyuk Britaniya bosh vaziri Rishi Sunak va Fransiya Prezidenti Emmanuel Makron Parijdagi uchrashuvda Rossiya agressiyasi tahdididan himoyalanish uchun aniq zarba beruvchi qurollarni ishlab chiqish bo‘yicha kelishuvni imzolaydi. Bu haqda Britaniyaning “Sky News” telekanali xabar bermoqda.
Ikki davlat rahbarlari, shuningdek, Ukraina dengiz piyodalarini tayyorlash va Kiyevga qurol-yarog‘ yetkazib berish bo‘yicha hamkorlikni oshirishga kelishib olishlari mumkin. Sunakning soʻzlariga koʻra, Gʻarb hozirda misli koʻrilmagan tahdidlarga duch kelmoqda, shuning uchun u va Fransiya Prezidenti “kelajak muammolari” oldini olishi uchun NATOni mustahkamlash istagida.
OAVning qo‘shimcha qilishicha, muzokaralar davomida tomonlar Rossiyani Yevropa va global xavfsizlikka eng katta tahdid sifatida tan olishni rejalashtirmoqda. Rasmiylarning aytishicha, NATOga bu loyiha “Rossiyadan kelayotgan tahdiddan himoyalanish” uchun kerak.
