Buyuk Britaniya tashqi ishlar vaziri: Birinchi navbatda Kiyevga urushda yordam berish lozim
Jeyms Kleverli hozir Ukrainaning NATOga kirishi haqida jiddiy muhokama qilish vaqti emasligini taʼkidladi.
Kleverli Politico nashriga bergan intervyusida NATOning 2008 yilgi Buxarest sammitida Ukraina oxir oqibat alyansga qo‘shilishi haqidagi majburiyatini tan oldi, lekin bu keyingi bosqichda muhokama qilinishini aytdi.
Kleverlining fikricha, asosiy masala, albatta, o‘zini-o‘zi himoya qilishdir.
"Ukrainaliklar va albatta, butun Ukraina hozir yuz berayotgan shafqatsizlik kelajakda takrorlanmasligini istaydi", — deb taʼkidladi Kleverli.
Ayni damda NATO ittifoqchilari Ukrainaning NATOga aʼzolikka intilishi borasida turlicha fikrda.
Politico‘ning yozishicha, London va Vashington muhimroq siyosiy masalalarni keyinga qoldirib, Kiyevga zudlik bilan amaliy yordam berishga eʼtibor qaratmoqchi. Biroq sharqiy Yevropadagi bir qator ittifoqchilar hozir Ukrainani ittifoqqa yaqinlashtirmoqda.
