Toshkentning 3 ta tumanida issiq suv o‘chiriladi
Issiq suv taʼminoti 31 oktyabr kuni to‘liq tiklanadi.
Toshkent shahrining Yunusobod, Mirzo-Ulug‘bek va Yashnobod tumanlaridagi ayrim hududlarda issiq suv taʼminoti o‘chiriladi.
Maʼlum qilinishicha, asosiy issiqlik energiyasini yetkazib beruvchi "Toshkent issiqlik markazi" MCHJ 1-IM qozonxonasi gaz taʼminotidan vaqtinchalik uziladi. To‘xtash sababi "Hududgaz Poytaxt" yuqori bosimli gaz quvuridagi rejalashtirilgan ishlar bilan bog‘liq bo‘lib ishlar 30 oktyabr kuni soat 08:00 dan 31 oktyabr soat 20:00 gacha amalga oshiriladi.
Issiq suvni o‘chirish quyidagi hududlarga taʼsir qiladi:
Yunusobod tumani: S-4, S-5, S-6 dahalari, A. Donish, Ergashev, Bodomzor, Bog‘ishamol, G‘ulomov, Gidrometeorologiya markazi, A.Temur ko‘chalari.
Mirzo Ulug‘bek tumani: Navnihol, Neʼmat, Shahriobod, Do‘rmon yo‘li, Mo‘minov, Ziyolilar, Xojiboyev, Qalandar, M.Ulug‘bek, Levitan, O‘zbekiston Respublikasi Mudofaa vazirligi gospitali hududi, Sayram, Buyuk Ipak Yo‘li, M. Yusuf, Mustaqillik, Oqqo‘rg‘on, Irgashev, K.Niyozov, Murtazayev, P.Salar, P.Pishpek ko‘chalari, H.Olimjon maydoni, S-1, S-2, Yalang‘och, Bo‘z-1, Parkent dahalari.
Yashnobod tumani: Botkina, Tashselmash, Mirzo Ulug‘bek dahalari, Riyoziy, Parkent, Siolkovskiy, Maxtimquli ko‘chalari.
Issiq suv taʼminotining to‘liq tiklanishi gaz taʼminoti qayta tiklanganidan va 1-IM qozonxonasi ishga tushirilgandan so‘ng (taxminan 31 oktyabr yarim tunda) amalga oshiriladi.
