Namanganda katerlar to‘qnashuvi oqibatida ikki kishi halok bo‘ldi
Holat yuzasidan tergovga qadar surishtiruv ishlari olib borilmoqda.
Namangan viloyati To‘raqo‘rg‘on tumanida katerlar to‘qnashuvi oqibatida ikki kishi halok bo‘ldi. Bu haqda Namangan viloyati FVB xabar berdi.
Hodisa 2026-yil 23-avgust kuni soat 19:55 atrofida tumanning Gulqishloq MFY hududidan oqib o‘tuvchi Sirdaryo daryosida sodir bo‘lgan. Sayr uchun harakatlanayotgan katerlar to‘qnashib ketgan.
To‘qnashuv oqibatida bir kishi voqea joyida, yana bir fuqaro esa tan jarohatlari bilan shifoxonaga olib ketilganidan so‘ng vafot etgan.
Holat yuzasidan mas’ul idoralar tomonidan tergovga qadar surishtiruv ishlari olib borilmoqda.
