Misr AQShning taklifini rad etdi
Taklif G'azo sektorini vaqtincha nazorat qilish bo'yicha berilgan.
Misr hukumati Isroilning HAMASga qarshi urushi yakunida AQShning G‘azo sektori ustidan vaqtinchalik nazorat o‘rnatish taklifini rad etdi.
Qayd etilishicha, Markaziy razvedka boshqarmasi direktori Uilyam Berns Misr Prezidenti Abdul Fattoh Xalil as-Sisiga shunday taklif bilan chiqqan. Ushbu rejaga ko'ra, Misr urushdan keyin G'azo sektoridagi xavfsizlikni Falastin ma'muriyati o'z zimmasiga olishga tayyor bo'lgunga qadar boshqaradi.
Ma'lumotlarga ko‘ra, As-Sisi Bernsga bergan javobida Misr HAMASni yo‘q qilishda hech qanday rol o‘ynamasligini aytgan, chunki bu guruh so‘nggi yillarda G‘azo bilan chegarani nisbatan tinch saqlashga yordam bergan.
