JSST Al-Shifa kasalxonasi bilan aloqa uzilganini ma'lum qildi
Biz shifokorlar va bemorlar xavfsizligidan xavotirdamiz — Tedros Gebreyesus.
Jahon sog‘liqni saqlash tashkiloti Al-Shifa kasalxonasi xodimlari bilan aloqa uzilganini ma'lum qildi.
“Kasalxonadagi tibbiyot xodimlari bilan yana aloqamiz uzildi. Biz shifokorlar va ularning bemorlari xavfsizligidan juda xavotirdamiz”, — deb yozdi tashkilot rahbari Tedros Adhanom Gebreyesus ijtimoiy tarmoqlarda.
Chorshanba kuni ertalab Isroil armiyasi Falastin anklavidagi kasalxonaga bostirib kirigani maʼlum boʻldi. Razvedka maʼlumotlariga koʻra, uning ostida HAMAS bazasi joylashgan. 7-oktabr kuni HAMAS tomonidan garovga olinganlarning ba’zilari ham o‘sha yerda bo‘lishi mumkin, ammo hozircha ularning borligiga oid izlar topilmagan.
