O‘zbekistonning Birinchi xonimi G‘azo sektorida o‘t ochishni zudlik bilan to‘xtatishga chaqirdi
Ziroat Mirziyoyeva Turkiya Respublikasining Birinchi xonimi Emine Erdog‘anning taklifiga binoan 15 noyabr kuni "Falastinda tinchlik uchun birgalikda" sammitida ishtirok etdi.
Ziroat Mirziyoyeva Turkiya Respublikasining Birinchi xonimi Emine Erdog‘anning taklifiga binoan 15 noyabr kuni "Falastinda tinchlik uchun birgalikda" sammitida ishtirok etdi.
"O‘zbekiston xalqi Falastinning tinch aholisi boshiga tushgan kulfat va qayg‘u-alamlarni yurakdan o‘tkazmoqda", — dedi O‘zbekiston Prezidentining rafiqasi Ziroat Mirziyoyeva Istanbuldagi sammitda.
Birinchi xonim har ikki tomonni ham zudlik bilan o‘t ochish va jangovar harakatlarni to‘xtatish, tang ahvolda qolgan aholiga gumanitar yordam yetkazish uchun imkoniyat yaratish, nizoni faqatgina tinch, diplomatiya yo‘li bilan “ikki xalq uchun ikki davlat” tamoyili asosida hal etishga chaqirib, O‘zbekistonning bu boradagi qatʼiy pozitsiyasini yana bir bor bildirdi.
O‘zbekiston Falastin xalqi bilan birdam va yakdil ekani, uning Birlashgan Millatlar Tashkiloti rezolyutsiyalariga muvofiq o‘z mustaqil davlatini barpo etishga bo‘lgan huquqini to‘liq qo‘llab-quvvatlashi taʼkidlandi.
Sammit yakunida davlat va hukumat rahbarlari rafiqalarining G‘azo sektori bo‘yicha yig‘ilishi Yaxshi niyat deklaratsiyasi qabul qilindi.
