Farg‘onada Imron 2 ming kishi yig‘ilgan konsertga bormadi
Xonanda holat yuzasidan tushuntirish berdi.
Ijtimoiy tarmoqlarda Farg‘ona viloyati Rishton tumanida xonanda Imron ikki ming odam yig‘ilgan stadiondagi konsertga kelmagani, bunga esa kam pul yig‘ilgani sabab bo‘lgani aytilgan videolar tarqaldi.
“Imronning 18 noyabr kuni soat 11:00 da Farg‘ona viloyatining Rishton tumanidagi stadionda konserti belgilangan edi. Biletlar sotilgan, biroq ikki mingga yaqin muxlislari dastur boshlanishini stadionda ikki soat kutgan. Lekin Imron chiqmagan, xalq norozi bo‘lgan”, — deyiladi tarmoqda tarqalgan xabarda.
Holat yuzasidan xonandaning o‘zi tushuntirish berib, sog‘lig‘i yomonlashgani bois konsertga bora olmaganini maʼlum qilgan.
“Mazam bo‘lmay qoldi, issiq jon. Sizlardan ming bor uzr so‘raymiz. Ertaga konsert juda ham zo‘r bo‘ladi”, — degan u.
Konsert bugun, 19 noyabr kuni soat 11:00 da boshlangan.
