Sirdaryoda yo‘qolganiga 10 kun bo‘lgan ayolning jasadi kanaldan o‘lik holda topildi
49 yoshli marhumaning opasi singlisi bedarak yo‘qolgani haqida IIBga murojaat qilgan.
Bosh Prokuratura matbuot kotibi Hayot Shamsutdinovning maʼlum qilishicha, Guliston shahar "Ulug‘ yo‘l" MFYda yashovchi fuqaro shahar IIBga murojaat qilib, 1974 yilda tug‘ilgan singlisi S.A. 2023-yilning 12 oktyabrn kuni yashash xonadonidan nomaʼlum tomoniga chiqib ketib, qaytib kelmasdan bedarak yo‘qolganligini maʼlum qilib, uni topishda amaliy yordam so‘ragan.
Shuningdek, Guliston shahar Mirzaobod tumani, "Yo‘ldoshobod" MFY, mahalliy fuqarolardan biri shahar hududidan oqib o‘tuvchi “Do‘stlik” kanalining 53-kilometridan nomaʼlum ayol jinsiga mansub fuqaroning murdasini ko‘rib qolganini maʼlum qilgan.
Bundan tashqari, murda tashqi tomondan ko‘zdan kechirilganda tan jarohatlari yo‘qligi maʼlum bo‘lgan va mazkur holat yuzasidan sudga oid tibbiy ekspertizasi tayinlangan. Mazkur holat yuzasidan shahar prokuraturasi tomonidan tergovga qadar tekshirish harakatlari olib borilmoqda.
