Namanganda Tez yordam mashinasi YTHga uchradi
Oqibatda bir kishi halok bo‘lgan.
Namanganda tez yordam mashinasi yo‘l-transport hodisasiga uchradi. Bu haqda viloyat SSB xabar qildi.
Kecha, 26 noyabr kuni Chortoq tuman tez tibbiy yordam Alixon shoxobchasi haydovchisi - 1988 yil tug‘ilgan A. N. navbatchilikni qabul qilgandan so‘ng feldsher X.T. bilan birga dori-darmon olish uchun Alixondan Chortoq tuman tez tibbiy yordam markaziga yo‘l olgan.
Maʼlumotga ko‘ra, haydovchi pastki Qorabog‘ qishlog‘idan o‘tib kelayotgan vaqtda oldinda harakatlanib kelayotgan Damas to‘satdan to‘xtab olgan. “103” xizmati haydovchisi YTHni oldini olish maqsadida qarama-qarshi yo‘nalishga chiqib yuborgan. Buning oqibatida Cobalt bilan to‘qnashuv sodir bo‘lgan.
Natijada harakatni boshqarib kelayotgan haydovchi A.N. og‘ir tan jarohati olgan. U yonida o‘tirib kelgan haydovchi sherigi S.I. bilan birgalikda Chortoq tuman tez tibbiy yordam shifoxonasiga olib kelingan. Shifoxonada haydovchi A.N. vafot etgan. Ikkinchi haydovchi S.I. “bosh miya yopiq shikasti, peshona sohasi shilinib-yirtilgan jarohati” bilan shifoxonaga yotqizilgan, hozirda holati qoniqarli. Feldsher X.T. hech qanday tan jarohati olmagan.
